paborito

Hindi lang ako dahil marami ang may paborito sayo.

Lahat handang maging bahagi ng iyong kwento.

Ngunit sa likod ng iyong entablado

naroroon akong nakatayo

habang abala ka sa aliw ng iyong mundo.

Kung paligsahan ito ay sigurado na ang pagkatalo

dahil ang tanging maipagmamalaki ko lang

ay ang mga kamay na laging handang sumalo.

Habang buhay itong totoo.

Madalas man manginig sa ngawit

ay hindi kailanman ininda ang sakit

Dahil binubura ng mga ngiti mo

ang pait ng paghihintay sa muli mong paglapit.

Marami sakin ang nagagalit

dahil hindi marunong makinig

ang pusong kayang ipagpalit

ang mga sandali hanggang sa ikaw ay makamit.